Presidenti Donald Trump ka deklaruar se Shtetet e Bashkuara janë shumë afër arritjes së një marrëveshjeje bërthamore me Iranin dhe se Teherani ka rënë deri diku dakord me kushtet.
“Ne jemi në negociata shumë serioze me Iranin për paqe afatgjatë”, tha Trump gjatë turneut të tij në Gjirin Persik, sipas një raporti të AFP-së.
Bisedimet e reja midis negociatorëve iranianë dhe amerikanë për të zgjidhur mosmarrëveshjet mbi programin bërthamor të Teheranit përfunduan në Oman të dielën e 11 Majit me negociata të mëtejshme të planifikuara, thanë zyrtarët, ndërsa Teherani këmbënguli publikisht për të vazhduar pasurimin e uraniumit, shkruan Reuters.
Edhe pse Teherani dhe Uashingtoni kanë thënë se preferojnë diplomacinë për të zgjidhur mosmarrëveshjen bërthamore prej dekadash, ata mbeten thellësisht të ndarë në disa vija të kuqe që negociatorët do të duhet t’i anashkalojnë për të arritur një marrëveshje të re bërthamore dhe për të shmangur veprimet ushtarake në të ardhmen.
