Një ngjarje e rëndë është shënuar këtë pasdite në zonën Sektor Rinia, ku rreth orës 14:30 është gjetur në det trupi i pajetë i një shtetasi, ende të paidentifikuar.
Sipas burimeve paraprake nga policia, viktima është një mashkull rreth 50 vjeç, ndërsa dyshohet se ai është mbytur gjatë notit.
Aktualisht, grupi hetimor ndodhet në vendngjarje dhe po punon për të zbardhur rrethanat e plota të këtij rasti, si dhe për të bërë identifikimin e viktimës.
Njoftimi i policisë:
Durrës/Informacion paraprak
Rreth orës 14:30, në zonën e Sektorit Rinia, është gjetur në det, trupi i pajetë i një shtetasi rreth 50 vjeç, ende i paidentifikuar.
Paraprakisht dyshohet se shtetasi është mbytur në det.
Grupi hetimor ndodhet në vendngjarje dhe po vijon punën për identifikimin e shtetasit dhe sqarimin e plotë të rrethanave të këtij rasti.
