KLGJ ka nisur intervistat për kandidatët për anëtar në Gjykatën e Lartë dhe një prej tyre është Ervin Pupe.
Gjatë intervistës Ervin Pupe i përzgjedhur në profilin civil, ka deklaruar se do të kontribuojë në rritjen e sigurisë dhe besimin e publikut te sistemi gjyqësor, pasi sipas tij ka humbur.
“Do të kontrubuoj në rritjen e sigurisë tek publiku. Këto janë garanci të kandidimit tim. Besoj se do tja dal nëse edhe këshilli do të më japë votëbesim.
Nxitja ime për të kandiduar në këtë vend vakant është të kontribuoj sadopak në rritjen e besimit të publikut te procesi gjyqësor përmes vendimarrjes. Në perceptimin tim, si njeri i praktikës, çmoj se vendimi gjyqësor është interpretim i ligjit. Duke iu referuar shpesh çështjes së rikthimit të besimit të besimit te sistemi gjyqësor”, thotë ai.
Tre kandidatët e kualifikuar për anëtar të Gjykatës së Lartë, janë Sokol Sadushi, Ervin Pupe, Ilir Panda dhe aktualisht sapo ka filluar intervista e parë.
Këshilli i Lartë Gjyqësor ka nisur intervistat për 3 kandidatët, e zgjedhur nga radhët e juristëve, në tre pozicionet e lira në fushat e së drejtës administrative, civile dhe penale.
Kandidati i dytë që po zhvillon intervistën në seancën dëgjimore është Ervin Pupe.
Ai është shprehur se numri i dosjeve është çështje pakti dhe mund të krijohet një grup që të analizojë çështjet. Sipas Pupes, në këtë mënyrë gjykata kursen kohën.
‘Gjykata e Lartë merr një rol derigjus dhe publiku e di këtë çëshje. Realisht jurisprudenca ka vijuar. Pra pala sot në ndryshimet kushtetuese nuk mund të shihet e ndarë nga njerëzit. Si premisë ekziston, ndryshimet kushtetuese ishin të nevojshëm. Numri i dosjeve është çështje pakti dhe realisht kur mendoj që në fillim nuk ishte parashikuar një rast i tillë. Është fat që përveç cilësisë në Gjykatën Kushtetuese ka edhe sasi. Një veprim i njëanshëm se si mund të administrohet situata. Numri i madh i çështjeve sot ka gjykata të BE, ka edhe zgjidhje për shembull. Në Gjykatën e Lartë mund të krijohet një mënyrë që të analizojë një grup çështjesh, për ça ka ardhur çështja. Në këtë mënyrë gjykata kursen kohën se për ça ka ardh çështja’, tha kandidati Pupe.
