Një ngjarje e rëndë ndodhi mesditën e sotme në Kosovë ku një 34-vjeçar plagosi me thikë të dashurën dhe më pas vrau veten.
Ai u gjet pa shenja jete në rrugën B në Prishtinë, ndërsa bëhet me dije se personi që ka ndërruar jetë është stilisti i njohur kosovar, Festim Isufi.
Rrethanat e ngjarjes janë ende të paqarta ndërsa Policia e Kosovës ka nisur hetimet për të sqaruar motivin dhe detajet e plota të rastit.
Autoritetet i kanë bërë thirrje publikut që të presë rezultatet zyrtare të hetimeve dhe të shmangë spekulimet në rrjete sociale.
