Pritet që një ministër tjetër i kabinetit të qeverisë socialiste të përfundojë në SPAK (Strukturën e Posaçme Antikorrupsion dhe Krimeve të Rënda). Këtë herë, emri i Frida Krifcës, ministres së Bujqësisë, pritet të shkojë në zyrat e prokurorëve. Sindikata e fermerëve ka njoftuar se do të depozitojë një padi kundër ministres, e cila akuzohet për favorizimin e dhënies së subvencioneve për fidanët te disa “fermerë” që nuk ekzistojnë.
Sipas sindikatës, në ministri, nën drejtimin e Frida Krifcës, po i mohohen subvencionimet fermerëve të ndershëm që punojnë përditë dhe po favorizohen njerëz të panjohur. Fermerët thonë se kanë provat dhe faktet për këtë çështje, dhe janë gati t’i paraqesin drejtësisë së re, me shpresën se padi do të sjellë fundin e impunitetit në vend.
“Sindikata e Fermerëve do të depozitojë prova dhe fakte të reja për ministren Krifca dhe specialistin Mirgen Dobruna në SPAK, në datën e mërkurë, 21/06/2023. Në këto prova përfshihet edhe afera e subvencionimit të fidanëve për fermerët, ku fidanët janë fakturuar te fermerët që nuk ekzistojnë dhe janë përfituar nga kompani grumbullimi dhe fidanishte. Nuk është e mirë që Shqipëria të shkëlqejë në gjuhë të huaja, por është koha që ata që vjedhin në gjuhën shqipe të ndjehen përgjegjës për veprimet e tyre”, thuhet në njoftimin e sindikatës.
