Hapni rrugën miq! Erdhi Nikolini! Jo për të dhënë ndonjë lek për të vobektit, jo. Përkundrazi, për të marrë mbi 12 milionë euro nga taksat e shqiptarëve të varfër dhe për t’i futur në xhepat e tij dhe të bashkëjetueses Alma Tafani.
Bëhet fjalë për një tender të organizuar nga Agjencia Shtetërore e Prokurimeve të Përqëndruara me objekt “Shërbim lavanderie për Qendrën Spitalore Universitare Nënë Tereza”. Fondi limit i këtij tenderi kap shifra të frikshme, përkatësisht 1,084,945,722 lekë të reja pa TVSH ose rreth 12 milionë euro me TVSH.
Por duke shfletuar dokumentat e kësaj procedure, të vësh duart në kokë është pak. Shikohet që ka marrë pjesë vetëm një operator ekonomik i cili duke qenë i vetmi pjesëmarrës natyrisht ka fituar. Bëhet fjalë për firmën “A G S” SHPK në pronësi të Alma Tafanit, ish-bashkëshorte me letra e Nikolin Jakës.
Zonja në fjalë ka futur në xhepat e saj plot 12 milionë euro për të larë çarçafët e spitalit. Duke krahasuar këtë vlerë të ofruar nga kompania AGS me fondin limit të tenderit, rezultati është pak të thuash i pabesueshëm.
Del qe oferta e ofruar nga Alma Tafani është thuajse identike me fondin limit. Për të qenë korrektë, vlera fituese është 99.9% e fondit limit. Nuk e dimë se çfarë pret SPAKU por me këtë tender jo vetëm që i vihen prangat Nikolinit me Almën por edhe vetë Manastriliut. Natyrisht asjë nga këto nuk do të ndodhë pasi siç dihet SPAK merret vetëm me cironkat e vogla.
