Kryeparlamentarja Elisa Spiropali, ka publikuar foto nga darka private e pritjes së Presidentit të Francës, Emmanuel Macron së bashku me Zonjën e Parë Brigitte Macron, në Pallatin e Brigadave.
Siç shkruan Spiropali, në darkë morën pjesë dhe figura të njohura të politikës, artit dhe shoqërisë shqiptare.
“Një mbrëmje e veçantë✨ në praninë e Presidentit të Francës 🇫🇷 Emmanuel Macron, Zonjës së Parë Brigitte Macron, Kryeministrit Edi Rama dhe Zonjës Linda Rama, si dhe personaliteteve të shquara nga politika, kultura dhe jeta publike 🇦🇱.”,shkruan Spiropali në postimin e saj.
Kujtojmë se Macron ka ardhur në Shqipëri për të marrë pjesë në Samitin e Komunitetet Politik Evropian, i cili u zhvillua ditën e djeshme, ndërsa ditën e sotme ai zhvilloi takime bilaterale me kryeministrin Rama.
