Presidenti amerikan Donald Trump dhe presidenti francez Emmanuel Macron po mbajnë një konferencë të përbashkët shtypi të hënën pas takimit të tyre dypalësh më herët këtë pasdite në Zyrën Ovale.
Trump u shpreh se qëllimi i takimit të së hënës ishte fundi i luftës në Ukrainë.
Ai tha se qindra mijëra rusë dhe ukrainas kanë vdekur pa nevojë dhe se një brez i tërë është shkatërruar.
Presidenti amerikan Donald Trump tha se “shumë gjëra të mira drejt paqes po ndodhin” dhe se Macron ka qenë në qendër të kësaj që nga fillimi.
Trump deklaroi para mediave se beson se “Macron është dakord me të kur thotë se “kjo është koha e duhur… mund të jetë koha e vetme” për t’i dhënë fund luftës.
Vizita e Emmanuel Macron në Shtëpinë e Bardhë sot vjen në përvjetorin e tretë të pushtimit të plotë të Ukrainës nga.
Presidenti francez është lideri i parë evropian që është pritur nga presidenti i rizgjedhur Trump.
Presidenti Donald Trump tha të hënën se presidenti i Ukrainës Volodymyr Zelensky “mund të vijë” në Uashington këtë javë ose në vijim pasi të dy vendet janë “shumë afër” arritjes së një marrëveshjeje për një marrëveshje për mineralet e tokave të rralla.
“Do të takohem me Presidentin Zelensky. Në fakt, ai mund të vijë këtë javë ose javën e ardhshme për të nënshkruar marrëveshjen dhe… që do të ishte mirë, do të doja ta takoja.
Do të takoheshim në Zyrën Ovale. Pra, marrëveshjet po punohen tani. Ata janë shumë pranë një marrëveshjeje përfundimtare. Do të jetë një marrëveshje me toka të rralla dhe gjëra të tjera të ndryshme.
Dhe ai do të donte të vinte, siç e kuptoj unë, këtu, për ta nënshkruar atë dhe kjo do të ishte mirë me mua”, tha Trump gjatë një takimi në Zyrën Ovale me Presidentin e Francës Emmanuel Macron.
Emmanuel Macron u takua në Shtëpinë e Bardhë me Donald Trump në një kohë kur proceset diplomatike po intensifikohen në ballë dhe në prapaskenë në lidhje me luftën në Ukrainë.
Lideri francez kishte mbërritur pak më herët në Shtëpinë e Bardhë, ku mori pjesë në video-konferencën e G7, së bashku me Trump në Zyrën Ovale.
