Studioja tronditet nga lëkundjet e tërmetit në Turqi

Siç raportoi Drejtoria e Menaxhimit të Katastrofave dhe Situatave Emergjente të Turqisë (AFAD), përpara këtij tërmeti u ndjenë edhe dy lëkundje më të vogla.

Tërmeti më i fuqishëm, i cili ndodhi në një thellësi prej 6.92 kilometrash, shkaktoi shqetësim të madh në Stamboll dhe u ndje edhe në zonat përreth. Deri tani nuk ka raportime për dëme të mundshme.

Televizioni TGRT raportoi se një person është lënduar duke kërcyer nga ballkoni gjatë tërmetit, por kjo ende nuk është konfirmuar zyrtarisht.

Ministri i Brendshëm turk, Ali Yerlikaya, tha se shërbimet e emergjencës kanë nisur “vlerësimet në terren” dhe janë dërguar urime për shërim të shpejtë për të prekurit. AFAD u ka bërë thirrje banorëve të rajonit që të mos hyjnë në ndërtesa të dëmtuara.

Qytetarët turq kanë publikuar edhe pamjet e para, ku disa prej tyre përfshijnë video nga CNN Türk dhe tregojnë njerëz që vraponin në rrugët e Stambollit.

Momente tmerri ka përjetuar moderatorja e një televizioni gjatë transmetimit live.

Ndërsa studioja tronditet ajo kërkon që regjia të telefonojë mamanë e saj.

“Një tërmet i fortë sapo ndodhi, ndihet edhe në studio, të ruajmë qetësinë, Silan të telefono të lutem nënën time”, ka thënë moderatorja.