5 pyetje për Bujar Kapexhiun

Agim Xhafka

1- Do e mbajnë dot të qeshurën spikerët e lajmeve në TV kur të lexojnë, “Kryetarja e Kuvendit zonja Elisa Spiropali çeli punimet e sesionit”?

-Agim i dashur, miku im,

Humori ynë të bën më trim,

Kemi krijuar vetëm prozë,

Duket sikur jemi bërë bozë,

Prandaj do bëjmë risi,

Ti në prozë, unë në poezi!

Për pyetjen e parë unë nuk shaj,

Por të qeshurën nuk e mbaj.

Me Kuvendin kemi qeshur,

Herë pas here ia kemi ngjeshur,

Me Spiropalin nuk do zihemi,

Ajo do flasë ne do zgërdhihemi!

2-Taulant Balla nuk mbushi vitin si ministër i Brendshëm. Mos e hoqën që ta bëjnë të përbrendshëm te burgu 313?

-Taulant Balla, politikan i thekur,

Fjala e tij shtrembëron dhe hekur,

Sapo ndërroi ministritë,

Më mirë të zgjedhë leverditë,

Me parlamentin sot ka lidhje,

Nesër do ketë tjetër zgjidhje,

As policët nuk i komandoi,

Te 313 miqtë e tij do i takojë!

3-Ministrat e rinj vërtet nuk i njeh kush. Po ata, përveç Ramës, a njohin dikë tjetër?

-Nuk i njeh askërkush,

Janë qepë a karabush,

Për herë të parë si ministra,

Duhet mbushur dhe kanistra,

Ata që u përzunë ishin të komedisë,

Këta të rinjtë janë të dramës,

Me skenar e regji të Ramës!

4-Në një pamje nga Kongresi dukej i trembur dhe Ruçi. Pse, ai qe ulur dhe pranë Ramës?

-Mos ma prek Ruçin e lashtë,

Nga politika doli jashtë,

Tani më trim e më i mençur,

I pakënaqur në Kongres,

Ndaj kryetarit teknefes!

5-Turistët që kanë ardhur deri tani nuk zbresin andej nga plazhet e jugut. Nuk dinë not apo s’e kanë kuletën plot?

-Sa me mburrje akoma flasin,

Ku i kanë sytë që t’u pëlcasin,

Midis rërës aq të nxehtë,

Veç tre çadra ngritur përpjetë,

Por më e keqja në këtë dynja,

Janë çmimet në hava,

Trimat vlonjatë që mbrojnë dheun,

Na kanë mërzitur dhe Skënderbeun!