Kronikë nga çmendina jonë e madhe Shqipëri

Naim Noka

Ky vend është një “çmendinë e madhe” që pret zgjidhje vetëm nga SPAK.  Lexoni lajmet  ne media

1- Kryetari i Bashkisë Tiranë Erion Veliaj 6 orë në SPAK për bisedime kokë më kokë për Inceneratorin e Tiranës që nuk egziston por çdo muaj gllabëron miliona nga taksat tona.

2-Vëllai i Edi Ramës  në SPAK  për dosjen  e drogës “Xibraka” e kallëzoi Gaz Bardhi i Rithemelimit

3-Zv/ kryeministrja Belinda Balluku  tre orë në SPAK për aferën  e inceneratorëve.

Një VKM  me nr 111/2022, i  hoqi përgjegjesinë e mbetjeve nga ministria e Infrastruktures dhe e la jetime.

Kjo hile, e cila praktikisht e la inceneratorin e Tiranës pa mbikqyrje për zbatimin e kontratës, nuk ishte e rastësishme. Ajo erdhi pas një periudhe të gjatë të shkeljes së ligjit, e cila këtë të mërkure e çoi Belinda Ballukun në dyert e SPAK për t’ju përgjigjur pyetjeve të prokurorëve mbi inceneratorin e Tiranës.

4-Kryeministri Rama akuzon SPAK-un sërish se përse nuk heton Gaz Bardhin  për kallzim të rremë ndaj vëllait të tij Olsi Rama.

5-Ilir Meta nuk po përdor më shprehjen SPAKU – TARALLAKU!

6-Analistët,  grijnë sallatë me pesticide  nëpër  “ekranet e qeverisë” duke parashikuar  se në të ardhmen ,SPAK-u do të arrestojë ca njerëz, që do të shkojnë në burg me pranga.

Mediat online publikojnë  lajmet  me “parashikime  bombë”.(Në fakt SPAK  nuk e di as vetë  kë të hetojë më parë!)  Vjedhjet e milionave  shtohen dita-ditës në bashki dhe institucione.

7- Skemat mashtruese të Micro Credit Albania, Gent Sejko paraqitet nesër në SPAK. Mbi 19 mijë kreditorë në duar të disa mashtruesve që paguhen me taksat e qytetarëve.

8- Ambasadori  i BE-së  drekoi në  Resortin e vëllait të Taulant Tushes në Kashar, i financuar nga AZHBR.

9-Edi Rama nuk heq dorë nga Amnistia Fiskale; akt normativ për të transferuar milionat e zeza të pushtetarëve dhe trafikantëve

10- ‘Kokat’ e krimit  në shënjestër të SPAK! Nga klani “Duka” te Endrit Dokle dhe ish-deputeti i PS.

11-Zbulohet skema e re që tejkalon edhe 5D. Arben Maloku përfitoi 34 mln euro tendera nga Veliaj

12- SPAK sot  do të goditej shtabi elektoral i PS, por operacioni u dekonspirua! Një deputet i Durrësit pritet të ndalohet

13- Berisha pret  të japë dorëheqje  gjyqtarja me tre emra  duke trumpetuar fitoren  e opozitës nga arresti shtëpiak çdo mbrëmje…!

14- Basha  jep mbështetje të plotë për SPAK në luftën ndaj korrupsionit nga selia me qira dhe me vulë të njomë.

Të dashur lexues, kemi humbur busullën e prosperitetit dhe qytetarit normal europian që do të jetojë në këtë dhe.

Atdheu ynë në duart e hajdutëve dhe horrave në të gjitha nivelet e pushtetit.  Të gjithë e kanë mendjen sapo futen në zyrë kap çfarë të kapësh.  Na u bë lëkura shollë nga skandalet , turpet, dhe anomalinë  që na ndjek në çdo hap të jetës tonë. Ju lutem të  ruani  pasurinë e vetme që po tronditet  ndjeshëm, shëndetin mendor.  Eshtë vetmja pasuri që nuk e blen dot as me milionat e vjedhura  nga pushtetaret socialistë prej një dekade.   Në këtë vend të bukur  por i 1001 çudirave,  mund të rrezikoni  seriozisht shëndetin mendor. Harrova t’iu them dhe një gjë të fundit; asgjë e re nga ambasadorokracia  perendimore, deri në ardhjen e ambasadori të ri amerikan në Shqipëri David J. Kostelancik.