Trump i ashpër me Zelenskyn, e shtang me ultimatumin e papritur

Presidenti amerikan Donald Trump ka rikthyer dyshimet e tij lidhur me dërgimin e raketave Tomahawk në Ukrainë, duke theksuar se lufta duhet të mbarojë pa përdorimin e tyre.

“Shpresoj që nuk do t’i kenë nevojë,” tha Trump, duke paralajmëruar se përdorimi i këtyre armëve të fuqishme mund të shkaktojë përshkallëzim katastrofik.

Pak më parë, presidenti ukrainas Zelensky kishte kërkuar me forcë raketa amerikane për të ndaluar pushtimin rus, duke ofruar në këmbim dronët që Kievi përdor me sukses. Por takimi mes dy liderëve në Shtëpinë e Bardhë, sipas burimeve të Axios, ishte i tensionuar dhe i vështirë, ku Trump ka bërë deklarata të forta.

Pas dy orësh e gjysmë, Trump ndërpreu takimin papritur, duke u larguar drejt Floridës pa komentuar për mediat, dhe postoi në rrjetin e tij social se kishte kërkuar ndalimin e vrasjeve dhe arritjen e një marrëveshjeje, duke sugjeruar që “të dyja palët të shpallen fituese”.

Zelensky u shpreh i dakord me këtë dhe më pas telefonoi liderët evropianë për të diskutuar një plan paqeje, ndërsa në një intervistë televizive tha se Trump “nuk tha jo” për dërgimin e Tomahawk-ëve, por për momentin nuk dha miratimin. Ai theksoi se Putini ka “frikë të madhe nga Tomahawk-ët.”

Një takim që i paraprin një faze të re të paqëndrueshme në konfliktin ukrainas, ku e ardhmja e armëve kyçe mbetet e pasigurt.