Vrasja për një kafe në Manëz, dorëzohet në polici autori pas një muaji

Një muaj pas ngjarjes tragjike të ndodhur në një lokal në Manzë, ku humbën jetën Flori Paluçi dhe Aranit Kurti, është dorëzuar autori i shpallur në kërkim, Daniel Pepa. 21-vjeçari, banues në fshatin Manëz, u arrestua nga Specialistët për Krimin Kundër Jetës dhe Pronës në Drejtorinë Vendore të Policisë Durrës, pas një urdhri të lëshuar nga Prokuroria e Durrësit më 14.11.2025. Ai është i dyshuar për veprat penale “Vrasja me dashje” dhe “Mbajtja dhe prodhimi i armëve pa leje”.

Ngjarja e rëndë ndodhi më 22 tetor 2025, kur pas një mosmarrëveshjeje banale për një kafe, Daniel Pepa u konfliktua me kamerierin dhe Florin Paluçi. Pas përplasjes verbale, ai u largua, por u kthye më pas, duke shoqëruar Aranit Kurtin dhe Ergi Kadiun. Dyshohet se në atë moment, Danieli qëlloi me armë në drejtim të Florit, i cili iu përgjigj me armë dhe vrau edhe një tjetër person, Aranit Kurti.

Përveç armës që iu sekuestrua gjatë arrestimit, hetimet e policisë po vazhdojnë për të dokumentuar plotësisht ngjarjen dhe për të zbardhur rrethanat e tjera të përfshirjes së shtetasit G. A., i cili dyshohet se ka qenë në bashkëpunim me Danielin Pepën gjatë ikjes nga vendngjarja.