Apeli e la në burg, Safet Gjici kërkon pafajësinë në Kushtetuese

Ish-kryebashkiaku i Kukësit, Safet Gjici, i është drejtuar Gjykata Kushtetuese e Shqipërisë duke kërkuar shpalljen e tij të pafajshëm për akuzat që lidhen me çështjen e njohur të ndodhur në zyrën e Bashkisë Kukës.

Në kërkesën e paraqitur në Kushtetuese, Gjici kërkon shfuqizimin e vendimit të Gjykata e Posaçme e Apelit për Korrupsionin dhe Krimin e Organizuar, të datës 24 qershor 2024, si dhe shpalljen e tij të pafajshëm për veprat penale “shpërdorim detyre” dhe “korrupsion pasiv”.

Ish-kryebashkiaku u dënua nga shkalla e dytë e gjyqësorit me 4 vite e 6 muaj burg në lidhje me skandalin që shpërtheu pas publikimit të pamjeve me përmbajtje intime brenda zyrës së Bashkia Kukës.

Megjithatë, për shkak të përfitimit nga gjykimi i shkurtuar, dënimi i tij u ul në 3 vite burg.

Më 19 maj 2025, Gjici u lirua nga qelia për arsye shëndetësore dhe aktualisht po vuan pjesën e mbetur të dënimit në masën e sigurisë “arrest në shtëpi”.

Në total, ai qëndroi rreth 23 muaj në burg para se të lirohej nga paraburgimi për shkak të gjendjes shëndetësore.