Një aksident tragjik ka ndodhur në orët e para të mëngjesit të kësaj të marte në zonën e Novoselës, ku një i ri ka humbur jetën.
Ngjarja është regjistruar rreth orës 03:00, në mbikalimin e Novoselës, në aksin rrugor që të çon drejt fshatit Akërni. Sipas të dhënave paraprake, automjeti i drejtuar nga shtetasi A. H., 24 vjeç, banues në Fier, është përfshirë në një aksident të rëndë.
Si pasojë e përplasjes, i riu ka ndërruar jetë në vendngjarje, pa mundur t’u mbijetojë plagëve të marra.
Autoritetet bëjnë me dije se grupi hetimor ndodhet në vendin e ngjarjes dhe po punon për të zbardhur rrethanat e plota të aksidentit, si dhe për të përcaktuar shkaqet që çuan në këtë humbje jete.
Njoftimi:
Sot, rreth orës 03:00, në vendin e quajtur mbikalimi i Novoselës, në aksin rrugor në drejtim të fshatit Akërni, automjeti me drejtues shtetasin A. H., 24 vjeç, banues në Fier, është përfshirë në një aksident rrugor.
Si pasojë e aksidentit, drejtuesi i mjetit A. H ka humbur jetën.
Grupi hetimor po kryen veprimet për zbardhjen e plotë të rrethanave dhe përcaktimin e shkakut të aksidentit”, thuhet në njoftimin e policisë.
