Kërcet thika për një vend parkimi, plagoset 55-vjeçari në Tiranë

Një 55-vjeçar ka mbetur i plagosur me thikë mëngjesin e kësaj të enjte në Tiranë, pas një konflikti për një vend parkimi.

Sipas burimeve policore, i plagosuri është shtetasi Armand Minollai, ndërsa autori i dyshuar është 48-vjeçari Enton Nushi, i cili është shpallur në kërkim.

Ngjarja ka ndodhur rreth orës 07:40, në zonën e njohur si “Nisharaku”, ku dyshohet se pas një debati për motive të dobëta, konflikti ka agravuar deri në përdorimin e mjetit prerës.

I dëmtuari është transportuar në spital dhe ndodhet nën kujdesin e mjekëve, ndërsa policia po vijon kontrollet për kapjen e autorit.

Grupi hetimor po kryen veprimet procedurale për zbardhjen e plotë të rrethanave të ngjarjes.