Heronjtё e gjykatave apo “karpentierё” qё do futen nga penxheret e tyre?

Shkolla e Magjistraturës shpalli dje rezultatet e provimit të pranimit për ndihmës ligjor. Ashtu si për provimin e fundit për gjyqtarë dhe prokurorë, vëmendja mediatike nuk u fokusua aspak në këtë rekrutim jetik për sistemin e drejtësisë, duke pasqyruar vetëm zgjedhjet pa asnjë rëndësi të Dhomës së Avokatisë së Tiranës.

Ashtu si për njoftimin e fituesve të 17 gjyqtarëve dhe prokurorëve magjistratë të ardhshëm, edhe për ndihmësit ligjorë, Shkolla e Magjistraturës u kujdes që informimi të ishte i mbushur me fjali transparence, që tregojnë një nevojë të dyshimtë për justifikim.

Në njoftimin e saj Shkolla kujdeset për të theksuar fjalët që tregojnë për ndërgjegje të pastër “menjëherë… pandërprerë”, për një proces që s’ka arsye të theksojë ndershmërinë.

“Komisioni i vlerësimit u mblodh në Shkollë më datë 20 maj 2026 për të hartuar çelësin e përgjigjeve mbi të cilin do të vlerësoheshin kandidatët. Çelësi i tezave u shpall menjëherë publikisht në mjediset e Shkollës së Magjistraturës dhe në faqen zyrtare.” – thuhet në njoftim, dhe vazhdon me “Procesi i korrigjimit të provimit u zhvillua i pandërprerë prej datës 20 maj 2026 deri në datën 22 maj 2026”.

Për rezultatet e provimit Shkolla përsëri tregon përpjekje të panevojshme për sukses kur niveli i arsimit juridik dhe çdo tjetër dihet mirë si është në Shqipëri.

“Nga 87 (tetëdhjetë e shtatë) konkurrentë që morën pjesë në provimin e pranimit për ndihmës ligjor, 54 (pesëdhjetë e katër) prej tyre arritën të vlerësohen me më shumë se 50% (pesëdhjetë për qind) të pikëve maksimale të mundshme (njëqind pikë). Pra, 62% (gjashtëdhjetë e dy për qind) e konkurrentëve arritën të kalonin pragun minimal të vendosur nga Rregullorja.” – thuhet në njoftim, duke mos përmendur shifrat reale, rezultatet e provimit të juristëve që kaluan “pragun” me sukses.

Nëse tre-katër të parët arritën të marrin 90, 88, 83 apo 82 pikë nga 100 të mundshmet, në një provim të lehtësuar shumë nga pesha që kishte teza për tё “kap” gjyqtarin ose prokurorin, renditja e pikëve nga fundi është më shumë se zhgënjyese, siҫ mund tё shihet nё tabelёn mё poshtё, ku ka dhe me 25, 19, 16, apo me 7 pikё!

Çfarë cilësie juristi duhet të ketë një person që ka diplomën nga Fakulteti Juridik, e që ka marrë 7 apo 16 pikë nga një testim mesatar njohurish që mban 100 pikë?

Nga një verifikim i lehtë shihet se, lista e fituesve për ndihmës ligjor përbëhet plotësisht nga emrat që humbën provimin për gjyqtar dhe prokuror 2 javë më parë, me ndonjë përjashtim.

Nga 87 konkurrentë ku duket se ata që nuk kishin provuar më parë janë jo fitues dhe shumë të dobët në pikë, vetëm 41 janë fitues për ndihmës ligjor. Këtë numër njoftimi i Shkollës nuk e përmend, sikur të jetë një e dhënë që vlen vetëm për punët e brendshme të saj.

Në të vërtetë, publiku duhet të njoftohet cilët janë 41 fituesit për ndihmës ligjor, nga një konkurrim, me një nivel testimi që mbante pyetje me nivel mesatar të formimit të përgjithshëm për një jurist.

Këta fitues do vendosen nëpër gjykatat e shkallës së parë dhe apelit për të ndihmuar gjyqtarët në punën e tyre. “Backlog”-u i krijuar nëpër gjykata përveç mungesës së numrit të gjyqtarëve, një mungesë tjetër ka patur edhe mungesën e ndihmësave ligjorë për gjyqtarët që punojnë aktualisht në sistem.

Ndihmësit ligjorë janë shumë të rëndësishëm për gjykatat sepse përgatisin çështjen për gjyqtarin, duke i dhënë atij një ndihmë të madhe si nga ana e analizës deri në zgjidhje ligjore para vendimit, por dhe për anën administrative protokollare të saj.

Puna që bëjnë ndihmësit ligjorë është determinante për suksesin e gjykatave. Niveli profesional i tyre duhet të jetë thuajse i njëjtë si i gjyqtarëve, sa kohë ata janë “gjyqtarët” në hije të vendimeve gjyqësore.

Për të mbushur radhët me ndihmës ligjorë, të domosdoshëm për t’i bërë ballë backlog-ut gjyqësor, që po vuan akoma vakumin me numër gjyqtarësh dhe “asfiksinë” e mijëra dosjeve të plandosura nëpër rafte, KLGJ dhe Shkolla e Magjistraturës mendoi të pajtojë 41 “shpëtimtarë”.

Para 1 muaji, këta provuan të kalojnë njëherë “malin” e 17 vendeve për prokuror dhe gjyqtar por nuk e kapërcyen dot. Drejtori dhe komisioni i Shkollës së Magjistraturës e kishte bërë aq të lartë “Everestin” sa s’kishte alpinist “magjistrat” ta kalonte.

Por në korridoret e shkollës qarkullon një mundësi tjetër për “humbësit”. Nëse futesh në sistem, qoftë si ndihmës ligjor, pas tre viteve pune mund të krijohet mundësia për t’u futur nëpërmjet një programi të veçantë të shkollës në rrugën për magjistrat gjyqtar. Rruga kërkon pak kohë, por marrë parasysh që ndihmësi ligjor paguhet me 75% të pagës së gjyqtarit, pritja është jo vetëm e ëmbël por paguhet edhe goxha mirë.

Në këtë mënyrë, ata që nuk u futën dot nga dera do futen nesër nga “penxherja” për në sallën e gjykatës, si magjistratë me përvojë të saj. Por, kjo është një histori që pret të kalojë viti 2030 dhe ngjarjet që do vijnë pas tij.

Ndërkohë sistemi i drejtësisë po rëndohet çdo ditë dhe më shumë nga pesha e padrejtësisë.

Lista e fituesve për ndihmës ligjor me pikёt pёrkatёse:

Nr. rendor	Emër mbiemër	Pikët
1	Arba Osmanllari	90
2	Alketa Gjini	88
3	Biana Doda	83
4	Patrisa Mane	82
5	Gentian Tafilaj	82
6	Enida Jorganxhi	81
7	Esmeralda Hajdinaj	79
8	Kledjana Llalla	78
9	Nevila Zekaj	78
10	Aurora Heqimaj	78
11	Arta Gjoni	78
12	Ilda Çelmeta	76
13	Mirjon Theodhosi	75
14	Eni Bistri	74
15	Eralda Muço	73
16	Juljan Jano	70
17	Aida Okaj	70
18	Joana Skënderi	66
19	Blerina Brahimi	66
20	Sibora Sulaj	65
21	Ejvisa Molla	64
22	Etleva Nozlli	64
23	Ervina Xhixha	64
24	Anis Hoxha	63
25	Matilda Kaleshi	63
26	Keisi Boni	63
27	Erjon Petromilo	63
28	Megi Çeliku	62
29	Ilda Koçi	62
30	Lorena Duzha	61
31	Kristiano Koçibelli	61
32	Elidjana Shkira	61
33	Orgesa Abazaj	61
34	Anilda Sinanaj	61
35	Jerina Maloku	60
36	Ersida Tice	59
37	Florida Hajrulla	59
38	Xhersilda Bega	59
39	Eniela Agolli	57
40	Ilirjana Beqiraj	57
41	Eni Gjika	57

Lista e tё skualifikuarve me pikёt pёrkatёse:

Nr. rendor	Emër mbiemër	Pikët
42	Silva Saliko	55
43	Jondra Xhalia	54
44	Enkeleda Pjetri	53
45	Eftali Prifti	53
46	Ardita Reçi	52
47	Dritan Dëma	52
48	Klea Caushi	52
49	Sadiona Hysaj	52
50	Alma Binaj	51
51	Esla Sejdarasi	51
52	Anxhela Toto	50
53	Ermelinda Hyskaj	49
54	Arjona Buçpapaj	49
55	Pjer Toska	48
56	Anisa Gega	47
57	Malvina Bajrami	46
58	Anjeza Nërgjoni	45
59	Desara Mehmetas	44
60	Hener Shanaj	43
61	Rozita Marleci	42
62	Laura Molla	41
63	Elona Dervishi	40
64	Gentiana Marku	39
65	Mikel Nanushi	38
66	Alba Kamberi Musaj	37
67	Flutura Bushi	36
68	Eliada Xhoku	35
69	Elda Shurdhi	34
70	Sara Sulaj	33
71	Aldora Dume	32
72	Floriana Allamani	31
73	Leonora Leci	30
74	Nertila Beka	36
75	Altin Zyle	36
76	Oriana Çuri	36
77	Florenc Bushgjokaj	35
78	Ornela Lleshi	33
79	Arba Asllanaj	32
80	Erald Llanaj	32
81	Oltjona Bregu	30
82	Irena Dyrmishi	29
83	Oltion Pronjari	25
84	Brixhilda Shallati	24
85	Ramadan Hoxha	19
86	Erisa Mirashaj	16
87	Ergys Kallari	7