Epike! Agron Shehaj “vjedh” marrëveshjen dhe largohet me vrap

Një situatë e pazakontë dhe e tensionuar është regjistruar këtë të martë në ambientet e Kuvendit, menjëherë pas përfundimit të seancës plenare.

Në vend që dokumenti i marrëveshjes t’u shpërndahej individualisht deputetëve, administrata parlamentare ka kërkuar që të gjithë 140 ligjvënësit ta konsultonin atë në një ambient të vetëm, i cili ka kapacitet për vetëm 15 persona.

Ky vendim ka shkaktuar menjëherë reagime dhe ka krijuar kaos në korridoret e Kuvendit, ndërsa deputetët janë përballur me pamundësinë për të pasur akses normal në dokumentin zyrtar.

Në kulmin e kësaj situate, kreu i Partisë “Mundësia”, Agron Shehaj, ka ndërmarrë një veprim të papritur. Ai ka marrë në dorë të vetmen kopje të marrëveshjes dhe është larguar me shpejtësi nga ambientet e Kuvendit, duke tërhequr vëmendjen e të pranishmëve dhe duke shtuar edhe më tej tensionin politik.