Lutfi Dervishi ironizon reformën territoriale

Analisti Lutfi Dervishi ka reaguar me tone ironike ndaj propozimeve të fundit të Partisë Socialiste për reformën territoriale, duke vënë në pikëpyetje logjikën e ndarjes së re administrative, veçanërisht për zonën e Rinasit.

Përmes një reagimi në rrjetet sociale, Dervishi ndalet te mundësia që aeroporti i Rinasit të kalojë nën administrimin e Bashkisë së Tiranës, duke ngritur një debat mbi shpërndarjen e përfitimeve dhe kostove për komunitetet lokale.

Ai sjell në vëmendje modele nga vende të tjera europiane, ku aeroportet menaxhohen nga njësitë administrative ku ndodhen fizikisht, duke garantuar që përfitimet ekonomike t’i mbeten komunitetit përkatës. Sipas tij, kjo nuk është rastësi, por një praktikë që synon balancimin e zhvillimit lokal me ndikimin që këto infrastruktura kanë në territor.

Dervishi paralajmëron se nëse ndryshimet e propozuara zbatohen, Bashkia e Krujës mund të humbasë të ardhurat që gjeneron aeroporti, ndërkohë që banorët do të vazhdojnë të përballen me pasojat direkte si zhurma, ndotja dhe rreziku i shtuar.

Sipas tij, një reformë territoriale duhet të ketë në thelb drejtësinë ekonomike dhe zhvillimin e qëndrueshëm, ku komunitetet përfitojnë nga asetet që kanë në territor dhe nuk mbajnë vetëm kostot e tyre.

Ky reagim vjen në një moment kur drafti i reformës territoriale ka hapur debate të forta politike dhe publike, lidhur me ndikimin që do të ketë në zhvillimin ekonomik dhe autonominë e pushtetit vendor.

Reagimi i plotë: