Fitimet marramendëse të kompanisë së Ergys Agasit

Kompania e Ergys Agasit, nën hetim nga SPAK, raportoi xhiro 2.4 milionë euro në vitin e parë

Të dhënat financiare të kompanisë së lidhur me Ergys Agasin, i arrestuar me urdhër të SPAK-ut në kuadër të hetimeve për grup të strukturuar kriminal brenda AKSHI-t, po rikthejnë në vëmendje shifrat e larta të raportuara që në vitin e parë të aktivitetit.

Sipas të dhënave të publikuara nga Open Data Albania dhe të përllogaritura, kompania e krijuar në shtator të vitit 2023, deklaroi rreth 2.4 milionë euro xhiro brenda atij viti.

Fakti i pazakontë eshtë  raporti mes fitimit dhe xhiros, që sipas përllogaritjes arrinte në rreth 96 për qind. Kjo shifër ngre pikëpyetje për mënyrën si është krijuar dhe administruar aktiviteti ekonomik i kompanisë.

Publik Media i ka publikuar më herët këto të dhëna, duke ngritur pyetje për rritjen e shpejtë të kompanisë EA Solution dhe fitimet e saj. Arrestimi i Agasit dhe hetimet e SPAK-ut e rikthejnë çështjen në vëmendje publike.