Rogerti i bën urimin epik Lim Hotit për ditëlindjen e tij

Përditësuar më 22 Tetor 2026, 13:19

Rogert Sterkaj nuk e ka lënë pa një urim Lim Hotin në ditën e tij të lindjes. Përmes një postimi në Instagram, ai i ka kushtuar një mesazh që bie në sy për mënyrën se si është konceptuar.

Në fotografinë e publikuar, Lim Hoti shfaqet i veshur me kostum elegant, me syze të errëta dhe aksesorë të artë, në një ambient luksoz, i rrethuar nga vajza me veshje mbrëmjeje. Imazhi, i krijuar me inteligjencë artificiale, shoqërohet me mbishkrimin “The Albanian Hugh Hefner”.

Por ajo që e bën urimin edhe më pikant janë mesazhet e vendosura në fotografi: “Happy Birthday”, “Dr. Hoti” dhe “Stay dangerous!”. Një kombinim që e kthen urimin e ditëlindjes në një dedikim me nota humori, duke iu referuar imazhit që përcjell personazhi i njohur i showbiz-it.

Lim Hoti është bërë i njohur për publikun përmes pjesëmarrjes në formate televizive dhe daljeve të tij në botën e showbiz-it shqiptar. Ndërsa Rogert Sterkaj, i njohur për publikun pas pjesëmarrjes në “Big Brother VIP Albania”, vijon të jetë aktiv në rrjetet sociale.

Urimi i Rogertit për Lim Hotin është një tjetër moment që bashkon humorin dhe personazhet e njohura të ekranit, me një dedikim që nuk kalon pa tërhequr vëmendjen.