A do ketë diçka për Bashën nga “fronti i perendimit” këtë javë?!

Askush nuk mund të parashikojë zhvillimet politike  të javës  së re, që fillon nesër, As Basha vetë nuk e parashikon dot ! Burime pranë stafit të ngushtë të Kryetarit të opozitës   thonë se pa një qeveri teknike  nuk  do të ketë asnjë bisedim paraprak me  Kryeministrin. Ndoshta nesër  Sigmar Gabriel  Ministri i Jashtem gjerman dhe ai hollandez   Bert Koender  do të shtrojnë një urë komunikimi për  negociatat dhe dialogun e nxjerrjes se vendit nga kriza politike.

Dy diplomatët më të rëndësishëm europiane, që e mbështesin perspektivën europiane të Shqipërisë, por gjithashtu kërkojnë që Shqipëria të kryejë detyrat për hapjen e negociatave, reformën në drejtësi, pjesëmarrjen në institucione dhe vendosjen e dialogut për t’i dhënë vendit zgjedhje të standardeve europiane.
Me këtë mision në Tiranë pritet të vijë edhe kryetari i komisionit të jashtëm të parlamentit europian, David McAllister.
Zëvendës-presidenti i partive popullore europiane është pranuar nga forcat politike kryesore,  Rama- Meta  që të marrë rolin e negociatorit për të zgjidhur krizën nëpërmjet dialogut. Por gjasat janë që Basha të mos tërhiqet nga kërkesat e tij dhe kampit opozitar që per afro 60 ditë janë në një protestë të pazakontë në bulevard. Ndoshta presioni i ndërkombëtarëve do të afronte qendrimet e dy palëve por gjithsesi  akoma nuk ka pak dritë në fund të tunelit. Publik.live/16.04.17