“Afera Balluku”, edhe kreu i ARRSH paraqitet në SPAK

Kreu i ARRSH-së, Gentian Gjyli, është paraqitur sot në ambientet e SPAK, ku ndaj tij është formalizuar akuza nga Prokuroria e Posaçme. Hetimi lidhet me procedurat e tenderimit për ndërtimin e tunelit të Llogarasë, një projekt me vlerë të lartë financiare dhe me dyshime për parregullsi në fazën e përzgjedhjes së ofertave.

Gjyli nuk është i vetmi zyrtar i lartë i përfshirë në këtë çështje. Në të njëjtin hetim është marrë e pandehur edhe ish-zv/kryeministrja dhe ministrja Belinda Balluku, e cila është pezulluar nga funksionet publike me vendim të GJKKO-së. Asaj i është hequr gjithashtu pasaporta, duke iu ndaluar lëvizja jashtë vendit deri në përfundim të hetimeve.

Dosja e tunelit të Llogarasë po konsiderohet një nga procedimet më të rëndësishme të SPAK, duke qenë se prek drejtues të niveleve të larta të infrastrukturës dhe qeverisjes.