Aksident në aksin Gjirokastër–Tepelenë, tre persona të plagosur

Një aksident rrugor është regjistruar mëngjesin e kësaj të enjteje në aksin nacional Gjirokastër–Tepelenë, ku janë përfshirë dy automjete.

Si pasojë e përplasjes, tre persona kanë mbetur të plagosur. Sipas informacioneve paraprake, të lënduarit ndodhen jashtë rrezikut për jetën dhe kanë marrë ndihmën e parë mjekësore.

Të plagosurit janë transportuar drejt spitalit për trajtim të mëtejshëm, ndërsa autoritetet po punojnë për të sqaruar rrethanat dhe shkaqet e aksidentit.

Policia ndodhet në vendngjarje dhe pritet të hedhë dritë mbi dinamikën e përplasjes pas përfundimit të veprimeve hetimore.