Autori i dyshur i vrasjes së 65-vjeçarit Hazbi Velsula, në fshatin Xibër të bashkisë Klos, është arrestuar në Allias të Tiranës mbrëmjen e së mërkurës disa orë pas krimit.
Autori i dyshuar raportohet se është kushëri me viktimën Selim Velsula.
Hazbi Velsula ka njoftuar motrën e tij se kishte vrarë një person. Më pas e motra ka lajmëruar policinë dhe uniformat blu rrethuan zonën ku ishte fshehur autori duke e vendosur në pranga.
Trupi i pajetë i viktimës është gjetur pranë pronës së tij dhe këqyrja paraprake, janë konstatuar dëmtime të shkaktuara dyshohet nga mjet prerës.
Ai masakroi me thikë kushëririn e tij në Xibër të Klosit dhe më pas ishte larguar drejt Tiranës.
“Mbrëmjen e sotme, në fshatin Xibër, pranë pronës së tij, është gjetur pa shenja jete shtetasi S.V., rreth 65 vjeç. Nga këqyrja paraprake, janë konstatuar dëmtime në trup, të shkaktuara dyshohet nga mjet prerës”, informon policia.
Sakaq, në vendin e ngjarjes ka mbërritur grupi hetimor, që nën drejtimin e Prokurorisë, po punon për zbardhjen e rrethanave të kësaj ngjarjeje.
Dyshohet se autori i ngjarjes vuante nga probleme të shëndetit mendor.
Trupi i pajetë i viktimës është gjetur pranë pronës së tij në fshatin Xibër-Murrizë të bashkisë Klos mbrëmjen e së mërkurës (11 Maj).
