Basha rrëfen incidentin në lokal, me tatimorët duke drekuar me vajzat

Përditësuar më 30 November 2017, 18:43

Basha rrëfen incidentin në lokal, çfarë i kishte ndodhur duke drekuar me vajzat
Kreu i PD-së Lulzim Basha duke folur gjatë ditës së sotme në Kuvend, rrëfeu një eksperience personale me tatimorët, të cilën e cilësoi skandaloze.

Ai u shpreh se të gjithë skenën e kishte parë me sytë e tij në një ditë pushimi teksa drekonte me gruan dhe dy vajzat në një lokal në periferi të Tiranës. Sipas Bashës, tatimorët që ai i quajti taksidarë u sollën në mënyrë skandaloze duke terrorizuar gjithë lokalin.

“Mënyra se si u sollën ishte skandaloze, nisën të numëronin faturat dhe pjatat e çdo klienti. Klientët u shqetësuan, pronarët gjithashtu. Pasi u larguan e zonja e lokalit mu afrua dhe më tha se për tre muaj ka marrë disa gjoba milionëshe”,- tha ai.