Basha/Rama MË BEFASOI, ASKUSH NUK ËSHTË ARRESTUAR

DEKLARATË TË FORTË KUNDËR RAMËS

Rikthehet fuqishëm Basha, deklaratë të fortë kundër Ramës: Më befasoi, askush nuk është arrestuar
Lulzim Basha rikthehet në krye të opozitës pas kritikave të shumta në adresë të tij nga vetë demokratët të cilët e akuzonin liderin e tyre se nuk po bënte opozitë siç do duhej.

Basha i përgjigjet deklaratës së Ramës lidhur me kanabisin. Shefi i qeverisë tha se ishte asgjësuar 99% të drogës në Shqipëri por Basha i kujton se askush nuk është arrestuar dhe asnjë drejtues i trafikut nuk është zbuluar.

“Njeriu që për tre vjet mohoi problemin e drogës në Shqipëri, duke bekuar kthimin e saj në vendin kryesor të drogës në Europë, sot befas deklaroi se e paska zgjidhur këtë problem. Askush nuk është arrestuar, asnjë drejtues i trafikut nuk është zbuluar, asnjë organizatë trafikantësh nuk është goditur, asnjë rezultat konkret nuk ka patur në asnjë drejtim. Por kryeministri ka shpallur fitoren e luftës që nuk ka ndodhur”, thotë kreu i opozitës.

“Tani që droga shqiptare dhe krimi i organizuar është kthyer në problem politik për qeveritë europiane dhe BE-në, duke rrezikuar integrimin e Shqipërisë dhe kthimin e vizave për shqiptarët, Edi Rama nuk e fsheh dot më, ndaj ka vendosur ta pranojë dhe menjëherë të shpallë fitoren e luftës imagjinare ndaj saj.

Por nga ana tjetër promovon Gramoz Rucin të cilit që nga 2005 qeveria amerikane i ka refuzuar hyrjen në SHBA për shkak të përfshirjes në krimin e organizuar dhe trafikun e drogës, dhe Fatmir Xhafën e përfshirë në mbrojtjen e të vëllait të dënuar nga Italia për trafikun ndërkombëtar të kokainës.

Është një lojë e rrezikshme: inkurajim për trafikantët dhe kriminelët që vazhdojnë të patrazuar dhe shkurajim për policët e ndershëm dhe të gjithë shqiptarët që duan ta luftojnë drogën. Është një lojë që do ketë pasoja për shqiptarët dhe të ardhmen e Shqipërisë. Ndaj nuk do ta ndalim asnjë ditë betejën kundër kësaj të keqe që ka pllakosur vendin, demokracinë dhe ekonominë tonë”, përmbyll Basha.​