Çështja “Balluku”, drejtuesja e KESH-it sërish në SPAK

Drejtuesja e Korporatës Elektroenergjetike Shqiptare (KESH), Viola Haxhiademi, është paraqitur këtë të premte në Prokurorinë e Posaçme (SPAK), në kuadër të hetimeve për çështjen e njohur si dosja “Balluku”.

Sipas informacioneve të bëra publike, Haxhiademi është thirrur nga prokurorët e posaçëm për t’u pyetur lidhur me këtë çështje. Deri më tani, nuk janë bërë të ditura hollësi të tjera mbi arsyet konkrete të thirrjes apo përmbajtjen e dëshmisë së saj.

Haxhiademi kishte qenë sekretare e përgjithshme

Viola Haxhiademi ka mbajtur më herët edhe detyrën e Sekretares së Përgjithshme në Ministrinë e Transporteve, përpara se të drejtonte KESH-in.

Paraqitja e saj në SPAK vjen në kuadër të zhvillimeve hetimore që lidhen me dosjen “Balluku”. Mbetet për t’u mësuar nëse nga marrja e saj në pyetje do të dalin detaje të reja për çështjen.