Dembele apo Yamal? Sonte merr fund dilema e ‘Ballon d’Or’

Teatri Châtelet në Paris do të presë ceremoninë e Topit të Artë sonte, dhe këtë vit PSG është në qendër të vëmendjes. Ousmane Dembele, pas një sezoni të jashtëzakonshëm me skuadrën pariziene, është favorit kryesor për çmimin më të lakmuar, megjithëse askush brenda klubit nuk guxon të marrë këtë mundësi si të sigurt.

Organizatorët e France Football janë duke ruajtur sekretet për emrin e fituesit, ashtu si ndodhi vitin e kaluar, kur triumfi i Rodrit u shpall vetëm disa orë përpara ceremonisë. Real Madrid ka vendosur të bojkotojë eventin për të dytin vit radhazi, edhe pse Kylian Mbappé është një nga emrat që mund të përfundojë në podium.

PSG do të përfaqësohet nga Dembele, i cili ka pasur një sezon të pabesueshëm, por edhe nga dy shokët e tij të skuadrës, Doue dhe Zhao Neves, të cilët janë të lënduar. Pjesa tjetër e ekipit do të jetë e angazhuar në ndeshjen ndaj Marsejës, e cila është shtyrë për shkak të kushteve të këqija atmosferike.

Dhe nuk është vetëm Dembele që mund të ketë një çmim në këtë event. Gianluigi Donnarumma është favorit për çmimin Yashin për portierin më të mirë, ndërsa Doue është në garë për Kopa, çmimin për lojtarin më të mirë të ri.

Trajneri Luis Enrique gjithashtu ka mundësinë të fitojë çmimin për trajnerin më të mirë, pas një sezoni të shkëlqyer me PSG-në, ku fitoi pothuajse çdo titull.

Një tjetër emër që po bëhet gjithnjë e më i diskutuar është sulmuesi i Barcelonës, Lamine Yamal. Ai është një nga talentet më fantastik të ditëve të sotme dhe gjithashtu një pretendent i mundshëm për trofeun Kopa, duke shtuar një element të ri dhe duke e bërë garën më emocionuese.

Lojtarët e tjerë të PSG-së, si Hakimi, Mendes, Vitinha dhe Fabian Ruiz, janë gjithashtu në listë për përfshirjen në formacionin më të mirë të vitit, duke e bërë këtë edicion një mundësi të madhe për klubin parizien të dominojë në çmimet individuale.