Denoncimi/ Rruga 8 Dhjetori në gjendje katastrofike, Bashkia hesht

Një denoncim ka mbërritur në redaksinë e Publik.al nga një qytetar i Fierit, i cili ka dërguar edhe një foto nga gjendja e rënduar e rrugës 8 Dhjetori.

Sipas qytetarit, rruga ku kalojnë çdo ditë banorët e zonës është në gjendje mjaft të keqe dhe pavarësisht ankesave të përsëritura pranë Bashkisë, nuk është ndërmarrë asnjë masë për përmirësimin e saj.

“Rruga 8 Dhjetori në Fier është në gjendje katastrofike. Kalojmë çdo ditë dhe nuk shohim asnjë përmirësim, pavarësisht ankesave të bëra pranë Bashkisë,” shkruan qytetari në denoncimin e tij, i cili bashkëngjitur ka dërguar edhe foto që tregojnë gropat e shumta dhe amortizimin e rrugës.

Banorët kërkojnë ndërhyrje të menjëhershme nga autoritetet lokale për rikonstruksionin e rrugës, pasi situata po krijon rrezik për automjetet dhe këmbësorët që kalojnë në këtë segment rrugor.