Dëshmi tronditëse nga Gaza: Djali më vdiq duke kërkuar ujë

Një tjetër tragjedi ka goditur kampin urban të Nuseiratit në qendër të Gazës, ku një sulm ajror izraelit vrau të paktën 10 persona, përfshirë gjashtë fëmijë, teksa ata prisnin në radhë për ujë pranë një pike shpërndarjeje.

Sipas Mahmud Abdul Rahman Ahmed, djali i tij 12-vjeçar, Abdullah, ishte nisur të dielën në mëngjes për të mbushur ujë me bidonë plastikë, si zakonisht. “Ishte në kërkim të një gllënjke uji,” tha ai për një gazetar lokal që punon për BBC. “Pak minuta pasi fëmijët dhe njerëzit e etur u mblodhën në atë vend, avionët luftarakë bombarduan pa asnjë paralajmërim.”