DETAJET/ PS mbledh Grupin Parlamentar në selinë e Kuvendit

Grupi parlamentar i Partisë Socialiste është mbledhur këtë të martë në ambientet e Kuvendit të Shqipërisë, në një takim të përqendruar te organizimi dhe angazhimi politik në terren.

Në mbledhje ishte i pranishëm edhe kryeministri Edi Rama, i cili diskutoi me deputetët mbi ecurinë e kontakteve me qytetarët dhe strukturat vendore të partisë.

Fokusi kryesor i këtij takimi ishte intensifikimi i punës në bazë, përmes takimeve në degët e Partisë Socialiste në të gjithë vendin, në kuadër të turit politik “Punët e Shqipërisë”.

Ky tur synon të forcojë komunikimin me qytetarët dhe të evidentojë prioritetet në nivel lokal.