Do përjashtohet apo jo? FIFA merr vendimin për Izraelin

Duke marrë parasysh presionin gjithnjë në rritje për përjashtimin e Izraelit nga kompeticionet ndërkombëtare për shkak të luftës në Gaza, së fundmi ka ardhur edhe një vendim zyrtar. Për momentin, Kombëtarja e Izraelit dhe klubet e këtij vendi do të vijojnë të marrin pjesë në garat e UEFA-s dhe FIFA-s.

Presidenti i FIFA-s, Gianni Infantino, deklaroi të enjten se organi qeverisës i futbollit ka për detyrë të promovojë paqen dhe unitetin, duke shtuar se nuk mund të zgjidhë çështje politike.

“Infantino theksoi rëndësinë e promovimit të paqes dhe unitetit, veçanërisht në kontekstin e situatës së vazhdueshme në Gaza,” thuhet në një njoftim për shtyp nga FIFA, ku nuk përmendet drejtpërdrejt Izraeli.

Aktualisht, kombëtarja izraelite po luan në kualifikueset për Kupën e Botës, ndërsa skuadra Maccabi Tel Aviv është e angazhuar në Europa League.