E BUJSHME! Netanyahu shpallet Non-Grata nga ky vend i BE-së

Sllovenia i ndaloi kryeministrit izraelit Benjamin Netanyahu hyrjen në territorin e saj të hënën, një veprim që vjen pas ndalimit të dy ministrave të ekstremit të djathtë në kabinetin izraelit në korrik, sipas një deklarate zyrtare të qeverisë.

Sllovenia, anëtare e Bashkimit Europian, njohu shtetin palestinez vitin e kaluar, vendosi një embargo armësh ndaj Izraelit në gusht dhe vendosi ndalim për importin e mallrave të prodhuara në territoret palestineze të pushtuara nga Izraeli.

Shumica e vendeve në Europë tashmë njohin shtetin e Palestinës, pas njoftimeve të bëra të hënën në OKB nga Franca, Belgjika, Luksemburgu dhe Malta, në një kohë kur lufta në Rripin e Gazës ka vazhduar për gati dy vjet.

Sipas të dhënave të AFP-së, të paktën 151 vende nga 193 shtetet anëtare të OKB-së tashmë e njohin zyrtarisht shtetin e Palestinës.