Emërohet shefi ri i Hetimit Financiar pranë SPAK

Elton Kërluku, i cili u skualifikua gjatë garës për drejtimin e Byrosë Kombëtare të Hetimit, ka marrë një detyrë të re brenda strukturave të drejtësisë.

Ai është emëruar shef i Hetimit Financiar pranë SPAK, një rol ky me përgjegjësi të mëdha në monitorimin dhe ndjekjen e çështjeve financiare me interes penal.

Emërimi i Kërlukut u zyrtarizua të enjten e kaluar, duke i hapur mundësinë për të kontribuar në hetimet e rëndësishme që zhvillon Prokuroria e Posaçme.

Kërluku ishte një nga kandidatët për drejtimin e BKH-së, pozitë që më pas iu dha Joni Ketës, por përvoja e tij dhe njohuritë në fushën e hetimeve financiare do të jenë një aset i rëndësishëm për SPAK.