Kryebashkiaku operohet në spital privat dhe rikthehet në burg

3 netë nën kujdes mjekësor

Kryebashkiaku i Tiranë, Erion Veliaj, është transferuar në një spital privat ku i është nënshtruar një ndërhyrjeje kirurgjikale.

Mësohet se Veliaj ka mbërritur në strukturën shëndetësore ditën e mërkurë dhe ka qëndruar për tre netë nën kujdesin e mjekëve, deri në përfundimin e plotë të procedurave.

Pas ndërhyrjes dhe stabilizimit të gjendjes së tij, ai është rikthyer sërish në ambientet e paraburgimit, konkretisht në Burgun e Durrësit, ku ndodhet prej më shumë se një viti.

Deri më tani nuk janë bërë publike detaje të tjera mbi natyrën e ndërhyrjes apo gjendjen e tij shëndetësore, ndërsa pritet që informacionet zyrtare të hedhin më shumë dritë mbi këtë zhvillim.