“Ndaloni grabitjen e tokës dhe pasurisë”

Eurodeputetja franceze Emma Fourreau do të zhvillojë një vizitë në Shqipëri nga 9 deri më 12 korrik, ku pritet të ndjekë nga afër protestat qytetare, të cilat kanë hyrë në ditën e 40-të të qëndresës kundër qeverisë së kryeministrit Edi Rama.

Lajmin e ka bërë të ditur vetë Fourreau përmes një postimi në rrjetet sociale, ku shprehet se do të vijë në Shqipëri për t’u bashkuar me protestuesit dhe për të mbështetur kauzën e tyre.

“Po shkoj në Shqipëri për të mbështetur revolucionin e flamingove rozë!

Prej më shumë se një muaji, populli shqiptar po ngrihet kundër projektit ekologjik të financuar nga familja Trump dhe korrupsionit të qeverisë socialiste të Edi Ramës.

Ndaloni grabitjen e tokës dhe pasurisë, mbështetni shqiptarët në këtë betejë”, shkruan eurodeputetja franceze në profilin e saj në Instagram.

Vizita e Fourreau vjen vetëm pak ditë pasi një grup tjetër eurodeputetësh vizituan Tiranën dhe shprehën mbështetjen e tyre për protestat qytetare që po zhvillohen prej më shumë se një muaji.