Faleminderit MINISTRIT TE JASHTEM GJERMAN

Besnik J. Aliaj

Ti je në punë të zotit mik, ne jemi gabim! Të na falësh se ne nuk i kuptojmë këto punë! Ne të kundërt këshillat Tuaja i vlerësojme maksimalisht e do ti kemi patjetër parasysh. Pas kësaj opozita mund të vijojë programin e saj me qetësi e pa i prishur punë Qeverisë deri në datë 18 qershor. Eshtë e qartë që pas kësaj dite gjërat do jenë ndryshe dhe më mirë! Çfarë ka për të sharë e nxirë delen e zezë Opozitë do të marrë fund! Pas kësaj do të futemi përfundimisht në një sistem politik të qetë e stabil unilateral dhe kështu edhe politikanët e BE-së do bien rehat me ne e mund të negociojnë më në fund të lirshëm vetëm për vetëm me Qeverinë, sepse nuk do ti shqetesojë më as Opozita e as kush tjetër, sepse në fakt s’do ketë më as Opozitë e as mizë të bëzaje! Opozita madje do ti nënshtrohet shpejt tërësisht shumicës 99.99% siç na mësuat ju e siç thotë Qeveria! Ndaj përpara drejt zgjedhjeve të lira! Hiç mos u tutni! Rëndësi ka statusquoja e Europës pa shqiptarët atë punë kanë çdo 10 vjet! S’është madje problem fare se mbështetja për Europën në një vend që e ka dashur atë dëshpërimisht, më shumë gjasa dhe për fatin tonë të keq ska për të qenë më njësoj. Kështu besoj se edhe reformat e BE-së ja arritën qellimit! Shpejt do të jemi në BE me Qeverinë Unilaterale dhe kështu Gjykatat janë më të sigurta! Vetingu do të jetë xham! Ekonomia bëhet tullë! Siguria gjëmb!