Gjithçka ishte një ‘show’? Ndahen përfundimisht Brikena dhe Mateo

Pas disa ditësh aludimesh dhe sinjalesh të forta në rrjetet sociale, tashmë nuk ka më vend për dyshime: Mateo Borri dhe Brikena Selamani nuk janë më në një lidhje.

Ish-banorët e “Big Brother VIP” vendosën t’i japin fund spekulimeve duke reaguar publikisht, pas një periudhe ku ndjekësit kishin vënë re detaje si heqja e ndjekjes, zhdukja e fotove të përbashkëta dhe postime me mesazhe të nënkuptuara.

I pari që theu heshtjen ishte Mateo, i cili në orët e para të mëngjesit publikoi një reagim ku konfirmoi ndarjen. Ai zgjodhi një qasje të rezervuar, duke mos e përmendur Brikenën me emër, por duke theksuar respektin për personin dhe kohën që kishin kaluar së bashku. Në mesazhin e tij, ai nënvizoi se nuk dëshironte që fundi i raportit të kuptohej përmes detajeve të vogla në rrjet, si një “like” apo një “story”.

Mesazhi i Mateos

Vetëm pak minuta më vonë, reagoi edhe Brikena Selamani, e cila e bëri të qartë situatën me një deklaratë të drejtpërdrejtë: ajo dhe Mateo nuk janë më bashkë. Ajo sqaroi se ndarja nuk ka ardhur si pasojë e mungesës së respektit, duke kërkuar mirëkuptim dhe qetësi në një moment që, sipas saj, është bërë shumë i zhurmshëm publikisht.

Brikena bëri të ditur gjithashtu se ka vendosur të tërhiqet përkohësisht nga disa platforma online, për shkak të ndikimit që diskutimet dhe reagimet e shumta kanë pasur në gjendjen e saj.

.

Historia e tyre, e ndjekur me interes nga publiku që prej daljes nga formati televiziv, duket se ka marrë fund, duke lënë pas një valë reagimesh dhe komentesh në rrjetet sociale.