Gjykata e Tiranës urdhëron lirimin nga burgu të 34-vjeçares me foshnjen

Gjykata e Tiranës ka vendosur lirimin e menjëhershëm të 34-vjeçares Dorina Sejdini, e cila pak ditë më parë u transferua në burgun e Pojskës së bashku me foshnjën e saj.

Vendimi është marrë nga gjyqtari Edvan Veçani, i cili ka urdhëruar që Sejdini të largohet nga ambientet e Institucionit të Ekzekutimit të Vendimeve Penale (IEVP) Pojskë.

Pas vendimit të gjykatës, pritet që 34-vjeçarja dhe fëmija i saj të lënë ambientet e institucionit të vuajtjes së dënimit dhe të vijojnë jetën jashtë tij.

Rasti i Dorina Sejdinit kishte sjellë reagime për shkak të pranisë së foshnjës së saj gjatë qëndrimit në ambientet e burgut.