Horror në Tiranë! Tezja dhe kushëriri abuzojnë seksualisht me 12-vjeçaren

Një rast i rëndë abuzimi ndaj një të miture është zbuluar në Tiranë, duke çuar në arrestimin e dy familjarëve të saj. Në pranga kanë përfunduar një 29-vjeçar dhe një 32-vjeçare, të dyshuar për vepra penale që lidhen me abuzimin seksual të një të miture, incestin dhe pornografinë.

Viktimë e rastit është një 12-vjeçare. Sipas të dhënave të bëra publike nga policia, hetimi nisi pas sinjalizimit nga autoritetet e shkollës, të cilat kishin konstatuar materiale intime të lidhura me të miturën në telefonin e saj.

Pas sinjalizimit, policia ka ndërhyrë për verifikimin e rastit dhe ka vënë në dijeni prindërit e vajzës. Në proces janë përfshirë edhe specialistë të fushës së psikologjisë, ndërsa e mitura ka dhënë dëshminë e saj lidhur me atë që kishte ndodhur.

Në vijim të veprimeve hetimore, efektivët kanë arrestuar K.B., 29 vjeç, i afërm i të miturës, si dhe D.S., 32 vjeçe, tezja e saj.

Dy të arrestuarit dyshohet se kanë kryer veprime të paligjshme seksuale ndaj 12-vjeçares, ndërsa ndaj tyre rëndojnë akuza për “marrëdhënie seksuale me të mitur”, “incest” dhe “pornografi”.

Hetimi po vijon për dokumentimin e plotë të ngjarjes dhe të gjitha rrethanave që lidhen me rastin.

Ndërkohë, e mitura po merr mbështetje psikologjike për shkak të gjendjes së rënduar emocionale pas ngjarjes.