I riu tregon kraharorin e gjakosur nga plumbi i gomës së policisë së Ramës

Situata para Ministrisë së Arsimit në Tiranë është tensionuar gjatë protestës së studentëve, ku të rinjtë pretendojnë se efektivët e Policisë kanë qëlluar në drejtim të tyre me plumba gome.

Pamjet nga protesta tregojnë një të ri me kraharorin e gjakosur, i cili shfaq edhe predhën e gomës që, sipas tij, i ka shkaktuar plagën.

Ngjarja vjen në një klimë të tensionuar, ku studentët dhe të rinjtë vijojnë protestat, ndërsa raportimet për përdorimin e forcës nga policia kanë shtuar shqetësimet mbi mënyrën e menaxhimit të tubimeve.

Deri në këtë moment, rrethanat e plota të plagosjes dhe mënyra se si është shkaktuar dëmtimi mbeten për t’u verifikuar në mënyrë të pavarur.