Ikën drejtori i Portit të Sarandës, zbardhet kush e zëvëndëson

Një ndryshim i rëndësishëm ka ndodhur në drejtimin e Portit të Sarandës. Admir Malaj nuk do të jetë më në krye të këtij institucioni, ndërsa detyra i është besuar Gjergji Mërkurit, i cili merr zyrtarisht drejtimin e portit.

Malaj kishte marrë drejtimin e Portit të Sarandës në verën e vitit 2025, pas një lëvizjeje nga Porti i Vlorës, duke sjellë me vete përvojën e tij në menaxhimin e infrastrukturës portuale. Gjatë periudhës së tij në detyrë, ai u angazhua në administrimin dhe funksionimin e këtij nyje të rëndësishme për turizmin dhe transportin detar në jug të vendit.

Deri në këto momente, nuk ka një njoftim zyrtar që të sqarojë arsyet e largimit të tij nga posti. Ndërkohë, emërimi i Mërkurit pritet të shënojë një fazë të re në drejtimin e Portit të Sarandës, në një kohë kur ky port mbetet një pikë kyçe për zhvillimin ekonomik dhe turistik të zonës.