Ish-deputeti dhe ish-kryebashkiaku i PD paraqitet në SPAK

Ish-deputeti i Partisë Demokratike, Besnik Dushaj, është paraqitur ditën e sotme në ambientet e Prokurorisë së Posaçme (SPAK), duke tërhequr vëmendjen e mediave.

Dushaj, i cili më herët ka mbajtur edhe postin e kryetarit të Partisë Demokratike për degën përkatëse, si dhe atë të kryebashkiakut të Tropojës, është parë teksa hynte i vetëm nga dera kryesore e institucionit.

Deri në këto momente, nuk dihen arsyet e thirrjes së tij në SPAK, ndërsa nuk ka pasur një reagim zyrtar nga vetë ish-zyrtari apo nga organet e drejtësisë lidhur me këtë paraqitje.

Prania e tij në Prokurorinë e Posaçme vjen në një kohë kur ky institucion vijon hetimet për çështje të ndryshme që lidhen me ish-zyrtarë dhe funksionarë publikë.