Ish-kryebashkiaku i Vlorës, Dritan Leli, paraqitet në SPAK

Ish-kryebashkiaku i Vlorës, Dritan Leli, është paraqitur sot në Prokurorinë e Posaçme për Krimet e Rënda (SPAK).

Arsyet e vizitës së tij nuk janë bërë publike, por kjo nuk është hera e parë që Leli merret në pyetje nga SPAK.

Ai ishte thirrur më parë në vitet 2022 dhe 2025 për hetime që lidhen me dyshime për tjetërsim prone.

Megjithëse profesion mjek, me specializim në radiologji, Leli ka hyrë herët në politikë dhe ka arritur kulmin e karrierës së tij si kryebashkiak i qytetit bregdetar të Vlorës.