Kamioni përfundon në bregdetin e Vlorës, plagoset rëndë shoferi

Një aksident i rëndë rrugor është shënuar pak minuta më parë në qytetin e Vlorës, ku një kamion ka dalë nga rruga dhe ka përfunduar në zonën e plazhit, pranë vendit të njohur si Kalaja, në Ujin e Ftohtë.

Sipas të dhënave paraprake, dyshohet se drejtuesi i mjetit ka humbur kontrollin, si pasojë e shpejtësisë së lartë ose për shkak të një problemi teknik në sistemin e frenimit. Rrethanat e sakta të ngjarjes mbeten ende objekt hetimi.

Si pasojë e aksidentit, drejtuesi i kamionit, Përparim Kapaj, 62 vjeç, ka mbetur i plagosur rëndë dhe është transportuar me urgjencë në Spitalin Rajonal të Vlorës, ku ndodhet nën kujdesin intensiv të mjekëve.

Në vendin e ngjarjes kanë mbërritur shërbimet e Policisë Rrugore dhe forcat zjarrfikëse, të cilat po punojnë për sigurimin e zonës dhe për zbardhjen e plotë të shkaqeve të aksidentit.