Kim Kardashian ka përfunduar zyrtarisht studimet në shkollën e drejtësisë, duke i dhënë fund një udhëtimi gjashtëvjeçar të ngarkuar me përkushtim dhe sfida.
Themeluesja e markës Skims e ndau këtë moment të rëndësishëm me miliona ndjekës në Instagram, përmes një storie emocionuese, ku falënderoi të gjithë ata që e mbështetën përgjatë rrugës së saj drejt profesionit të avokates.Familja dhe miqtë e saj të ngushtë organizuan një ceremoni private diplomimi për të festuar këtë arritje. Gjatë fjalimit të saj, Kim u shpreh: “Ju të gjithë keni qenë me mua në këtë udhëtim.” Për këtë rast të veçantë, ajo u shfaq me një stil klasik e modern, pulovër gri, fund prej lëkure, geta të zeza dhe taka të bardha.
Në një tjetër video të postuar në rrjete sociale, 44-vjeçarja shihet duke mbajtur me krenari kapelen e diplomimit. Ajo zbuloi se interesi i saj për drejtësinë u ndez kur, siç tha, ndihej “e hutuar” teksa shikonte një video në Twitter, pa dhënë detaje të mëtejshme.
Një udhëtim frymëzues
Një nga mentorët e saj tha se historia e Kim mund të frymëzojë shumë njerëz: “Gjashtë vjet më parë, Kim Kardashian hyri në këtë program me asgjë tjetër përveç një dëshire të palëkundur për të luftuar për drejtësi. Asnjë leksion universitar, asnjë zgjidhje e lehtë – vetëm vendosmëri.”
Sipas tij, Kim iu përkushtua studimeve për 18 orë në javë, 48 javë në vit, për gjashtë vjet rresht — që përkthehet në 5,184 orë studimi. Këtë kohë ajo e menaxhoi përkrah detyrimeve të saj si nënë e katër fëmijëve, drejtuese biznesi, personalitet televiziv dhe aktiviste në çështje ligjore.
Në një moment simbolik pas diplomimit, një fotografi tregoi se letrat me shënime nga studimet e saj ligjore ishin shndërruar në dekor për tavolinën e festës, duke reflektuar përkushtimin dhe rrugëtimin e saj.
Një surprizë e veçantë nga më të dashurit
Sipas Us Weekly, ceremonia ishte një surprizë për Kim, e cila mendonte se po merrte pjesë në një drekë të thjeshtë familjare. “Të gjithë ishin të emocionuar dhe krenarë për të, dhe donin ta surprizonin për të festuar këtë arritje,” tha një burim i afërt me të. Edhe mentorët e saj ishin të pranishëm si pjesë e kësaj surprize, të cilën ajo nuk e kishte pritur.Çfarë vjen më pas për Kim Kardashian?Kim Kardashian e ka kaluar tashmë Provimin e Përgjegjësisë Profesionale Shumështetërore (MPRE) dhe tani është gati për të dhënë provimin përfundimtar të Avokatisë së Kalifornisë — hapi i fundit që do t’i mundësojë asaj të ushtrojë profesionin e avokates në shtetin e Kalifornisë.Që prej vitit 2019, ajo ka dokumentuar publikisht përpjekjen e saj për t’u bërë avokate, përfshirë edhe sfidat e shumta që ka hasur, si dështimi tri herë në provimin “baby bar”, të cilin e kaloi më në fund në vitin 2021. Në një intervistë për Vogue Hong Kong në vitin 2022, ajo kishte shprehur ambicien për të hapur një ditë firmën e saj të suksesshme ligjore.
