Kukës/ Sherr për parkingun e makinave, qëllohet me armë

Një incident me armë zjarri është shënuar këtë të premte në lagjen nr. 4 të qytetit të Kukësit.

Sipas informacioneve paraprake, nuk raportohet për persona të plagosur, ndërsa policia ka mbërritur menjëherë në vendngjarje.

Burime nga vendi i ngjarjes bëjnë me dije se të shtënat dyshohet të kenë ardhur si pasojë e një konflikti për parkimin e automjeteve.

Sakaq, policia ka rrethuar zonën dhe po zhvillon kërkimet për autorin e dyshuar.