“Ngeli pa frymë”

Këngëtarja e njohur Irini Qirjako ka rikthyer në kujtesë një moment të paharrueshëm nga takimi i saj me aktorin Michael Douglas, një përvojë që e ka lënë të mahnitur.

Artistja rrëfeu se ngjarja ndodhi gjatë një koncerti të organizuar nga Ministria e Kulturës në Pallatin e Kongreseve në vitin 2000, kur aktori i famshëm hollivudian vizitoi Shqipërinë.

“Aktori i madh i Hollivudit, Michael Douglas, kishte ardhur në Shqipëri në vitin 2000. Ministria e Kulturës organizoi një koncert në Pallatin e Kongreseve dhe unë performova një këngë polifonike. Ai, kur e dëgjoi, mbeti pa fjalë,” tregoi Irini Qirjako.

Por takimi nuk përfundoi me përfundimin e performancës. Këngëtarja rrëfen se truproja i Douglas i kërkoi të qëndronte, sepse aktori donte ta takonte personalisht.

“Kur mbarova performancën dhe po largohesha, truproja më thirri: ‘Irini, mos ik, aktori i madh Douglas do të bëjë foto me ty’. Ai më përqafoi me shumë ngrohtësi dhe tha: ‘Diçka të tillë nuk e kam dëgjuar kurrë në jetën time, ishte një mrekulli’,” rrëfeu këngëtarja me emocion gjatë emisionit “Mes’dritë”.