Kush ia rrëmbeu zemrën? Beniada Nishani: Nuk jam më beqare!

Modelja shqiptare Beniada Nishani, e cila u bë shumë e njohur për publikun pas pjesëmarrjes në Big Brother VIP Albania, ka zbuluar për herë të parë se është në një lidhje dashurie.

Në një rrëfim të sinqertë për jetën e saj personale, ajo konfirmoi se prej disa kohësh në jetën e saj ka hyrë një person i veçantë. Edhe pse zgjodhi të mos japë shumë detaje për identitetin e partnerit, modelja tregoi se ai është italian dhe se njihen prej vitesh.

“Nuk jam ‘single’. Është dikush në jetën time. Nuk kam akoma një propozim apo një unazë. Nuk i dihet asnjëherë. Unë jam vajzë e çiltër, por nga ana personale jam munduar të jem e tërhequr dhe të mos i tregoj gjërat pa qenë zyrtare”, u shpreh Nishani.

Ajo sqaroi se marrëdhënia e tyre nuk ka nisur papritur, por ka ardhur natyrshëm pas një miqësie të gjatë mes tyre.

“Është i huaj, është italian. Ndihem shumë mirë dhe jam shumë e lumtur. Duhet që mashkulli të propozojë, pastaj vendosim ne”, tha modelja, duke lënë të kuptohet se për momentin po e shijon këtë periudhë pa presione.

Sipas saj, lidhja ka lindur pas shumë vitesh njohjeje dhe miqësie, ndërsa vendimi për ta mbajtur larg vëmendjes së publikut ka qenë i qëllimshëm.

“Njihemi prej kohësh, kemi qenë shokë për vite. Pastaj ai mori guximin. Jam një vajzë tradicionale shqiptare dhe besoj te gjërat që ndërtohen me kohë”, shtoi ajo.

Deklarata e modeles është pritur me interes nga ndjekësit e saj dhe publiku, të cilët prej kohësh kanë treguar kureshtje për jetën sentimentale të saj pas eksperiencës në reality show.